NASA ආයතනයේ අලුත්ම James Webb අභ්‍යාවකාශ Telescope එක සාර්ථකව අභ්‍යාවකාශගත කරයි

Englishहिन्दीBahasa IndonesiaРусскийසිංහලதமிழ்



නත්තල් දින උදෑසන NASA ආයතනය විසින් ඔවුන්ගේ නවතම අභ්‍යාවකාශ නිරීක්ෂණාගාරය, එහෙමත් නැතිනම් James Webb අභ්‍යාවකාශ Telescope එක අභ්‍යාවකාශගත කිරීමට කටයුතු කරනු ලැබුවා.

Arine 5 රොකට් එකක් භාවිතා කරමින් ගුවන්ගත කළ මෙම Telescope එක දශක ගණනාවකින් පසුව NASA ආයතනය විසින් සිදු කළ විශාලතම මෙහෙයුම් වලින් එකක් වන බව බොහෝ දෙනා ප්‍රකාශ කරනවා.

මෙම James Webb Telescope එක හරහා විශ්වයේ ගැඹුරු පැතිකඩ පිළිබඳව අධ්‍යනය කිරීම සඳහා අවශ්‍යය වන තොරතුරු ලබාගැනීමට බළාපොරොත්තු වන අතර, දැනට පවතින නිවර්තන වැසි වනාන්තරයක සිට විශ්වයේ ආරම්භය දක්වා තොරතුරු මෙම Telescope එක හරහා අධ්‍යනය කෙරෙනු ඇති බව මෙය ගුවන්ගත කරන අවස්ථාවේදී, NASA ආයතනයේ නිවේදයෙකු වන Rob Navias ප්‍රකාශ කරනු ලැබුවා.

මීටර් 6.5ක පළලකින් යුතු මෙහි gold-plated mirror එක දිගහැරිය විට, ආලෝක වර්ෂ බිලියන 13.6ක පමණ දුරක ඇති මන්දාකිණි වල සිට පැමිණෙන අධෝරක්ත කිරණ පවා ග්‍රහණය කරගැනීමට හැකියාව ලැබෙන බව වාර්තා වෙනවා.

The first glimpse of the James Webb Space Telescope during the launch tecroom lk

මෙය සාර්ථකව අභ්‍යාවකාශයට ගෙන ගියත්, පෘථිවියෙන් සැතපුම් මිලියනයක පමණ දුරින් පිහිටි මෙහි ගමනාන්තයට ලඟා වීමට තවත් මාසයක පමණ කාලයක් ගත වනු ඇති අතර ගමනාන්තයට ලං වෙත්ම එය ක්‍රමයෙන් දිගහැරෙමින් ක්‍රමාණුකූලව එහි අවසන් ස්වරූපයට පත් වනු ඇති බව ඔවුන් පෙන්වා දෙනවා.

මේ සඳහා පියවර සිය ගණනකින් යුතු වැඩපිළිවෙලක් සැළසුම් කර ඇති අතර, එම ගමන ඉතාමත් අවධානම්කාරී ගමනක් බව ද, එක් අසාර්ථක පියවරකින් මුළු මෙහෙයුමම අසාර්ථක විය හැකි බව ද ඔවුන් වැඩිදුරටත් පෙන්වා දෙනවා.

Source : The Verge, Space.com, TechNews.LK

Advertisment


Share

Sinhala Tech News Publisher

Advertisment

2 Comments

Leave a Reply

Your email address will not be published.